Kòman m kapab mennen on vi san diskisyon ak patnè m pandan peryòd konfinnman ?

Viv an koup pa on bagay ki fasil, sitou pou peryòd konfinnman kote ke nou 2 a nan on kay nou paka soti e n pa konn pou konbyen tan nou la. Nan ka sa, gen anpil chans pou gen ti moman de diskisyon, angwas oubyen nou santi nou nwi. Men ak anpil lanmou, konpreansyon e volonte nou kapab arive evite jan de moman sa yo.

Men kèk konsèy ki kapab evite n nan kont pandan peryòd konfinnman:

1-Pataje tach jounalye yo

Fè travay nan kay: Lave, pase, fè manje elatriye...Se seri de bagay ki kapab rann on moun strese e menm fè l gen on konpòtman etranj kote ke li parèt fache san ke li pa vrèman gen on rezon. Donk pou evite jan de tansyon sa yo nan koup la ede patnè w la a reponn a travay jounalye yo. E si patnè w la pa ta ofri èd li, pa ezite mande l li !

2-Kreye tan de kalite pou nou

Gen nan nou malgre moman konfinnman an nou kontinye ap travay lakay nou san bliye tach menajè nou gen pou n fè yo ki vinn bay o final fatig. Men sa pa on rezon pou n evite bay youn lòt ti tan, kote ke nou kapab gad on fim ansanm, jwe on ti kat, bay blag oubyen pwofite tan pou n pale de pwojè nou paske kominikasyon nan on koup ede a evite konfizyon e mezantant. An menm tan, pa bliye fè posib pou n itlize telefòn mwens ke nou kapab pou evite chak moun ret nan kwen pa yo.

3-Jere bèl ou

Evite rete an pyjama pandan tout jounen an. Eseye wè si w ta kenbe menm woutinn ou te gen avan konfinnman; tankou itilize alam pouw leve, pran swen kò w, abiye, prepare manje maten w elatriye...Sa ap pemet ou rete sedwizan e bèl nan je patnè w la e an menm tan tou jounen w ap pase pi rapid.

Pa bliye, konfinnman pa vakans. Rete lakay nou aplike règ prevansyon yo e toujou rete enfome n pandan nap evite tout diskisyon pandan peryod sa!

Femme Haitienne au Chili

FHC